வெள்ளை வெளவால்

கறுப்பு வெளவாலுக்கு இணையாக இந்த வெள்ளை வெளவால் மீன் இருப்பதில்லை. காரணம் விலை குறைவாக இருந்தாலும் கறுப்பு வெளவால் மீன் சுவையானது, முட்கள் எளிதில் கடிக்கும் தன்மை வாய்ந்தது. தவிர மென்மையானது. ஆனால் வெள்ளை வெளவாலோ சுவையற்றது, குறிப்பாக தமிழ்நாட்டு மக்களுக்கு அவ்வளவாக பிடிப்பதில்லை. ஆனாலும் இதன் விலையானது கறுப்பு வெளவால் மீனைவிட பன்மடங்கு அதிகம். காரணம் அதன் வெள்ளைநிற உருவம். பார்ப்பதற்கு பளப்பளப்பாக வெகு அழகாக இருக்கும். இதன் செவுளை அழுத்தினால் பிசுபிசுப்பாக வெள்ளை திரவம் வடியும், அதுவே நல்லதொரு மீனாகும், ஆனால் இரத்தம் வடிந்தாலோ அது சற்று மட்டுப்பட்ட மீனாகும். நானும் இதை பன்முறை சுவைத்துப் பார்த்தேன், ஆனால் சுவைக்கவில்லை. ஓட்டல்களுக்கு, பார்ட்டிகளுக்கு, ஏற்றுமதி செய்வதற்கு உகந்த மீனாகும். மற்றபடி உள்ளூர் மக்களுக்கு விருப்பமான சுவையான மீன் அல்ல.
Location: India

Comments

Post a Comment

Popular posts from this blog

முயல் பாறை அல்லது மொசப்பாறை.

Image
முயல் பாறை அல்லது மொசப்பாறை அல்லது முசுங்கு பாறை என்று பலபேர்களில் அழைக்கப்படும் இந்த வகை அரிய மீன் பொதுவாக அங்காடிகளில் விற்கப்படுவதில்லை.----------------------------------காரணம் இது மிக அரிதாகவே கிடைக்கின்றது-------------------------------தவிர இதன் சுவை மிகவும் அற்புதமாக, வான்மேகங்களை உண்பதுபோலவே, சரசரவென தொண்டைக்குள் இறங்கும்.----------------------------------அதனாலேயே மீனவர்கள் தமக்குத்தாமே இதை பங்கிட்டுக் கொள்வார்கள், மீறி அங்காடிக்கு வந்தால், வியாபாரிகளே தத்தம் வீடுகளுக்கு கொண்டு சென்று விடுவார்கள்.
Read more

கண்ணாடி சுதும்பு.

Image
கண்ணாடி சுதும்பு. இந்த மீன் அதிகபட்சமாக உள்ளங்கை அளவுக்கு வளரும். அதற்கும்மேல் வளராது. பொதுவாக அங்காடிகளில் அவ்வளவாக வருவதில்லை. சுத்தப்படுத்துவதற்கு எளிதான இம்மீன், பார்ப்பதற்கு வெளேரென்று ஒளி ஊடுருவக் கூடியதாக இருக்கும். அதாவது உற்றுநோக்கினால் அதன் உடலுக்கு உள்ளே இருப்பதுவும் தெரியவரும். வறுத்தால் நன்றாக இருக்கக்கூடும், ஆனால் குழம்பு வைத்தால்தான் இதன் மருத்துவக்குணங்கள் வெளிப்படும். புளி அதிகம் சேர்க்காது மிளகு நிறைய சேர்த்து, நீராக குழம்பு வைத்து, கண்களில் நீர்வர, சோற்றில் பிசைந்துகொண்டு உண்டால், ஜலதோஷம் எல்லாம் காணாமல் போய்விடும்! 
Read more

காலா மீன் [SALMON FISH]

Image
காலா மீன் என்கிற இந்த சாலமன் மீன் வகையானது இரண்டு வகையாக வருகின்றது. ஒன்று மஞ்சள் நிறத்திலும் மற்றொன்று வெண்ணிற நிறத்தில் சற்று உருட்டையாகவும் வளர்கிறது.-----------------------நிரம்ப மருத்துவக்குணங்கள் [ஒமேகா 3] இந்த மீன் நம்முடைய இந்திய நாட்டில் கிடைக்கின்றது. வறுக்கவும் குழம்பு வைக்கவும் ஏற்றது. இரண்டு வகையான சமையலிலும் மணம் கமகமக்கும்.----------------------மீனின் செதில்கள் சிவந்தும், மற்றும் மீனின் உடல் விரைப்பாகவும் இருந்தால் மட்டுமே வாங்கவும்.------------அயல்நாட்டில் வாழ்கின்ற காலா மீன்களின் வாழ்வியல் முறை சுவையானது. அது முட்டை ஈனும் பருவம் வந்ததும், கடலில் இருந்து ஆற்றுப்படுகைக்கு வந்து, ஆங்கிருந்து உள்முகமாக நீந்தி, எதிர்ப்படும், அருவி முதலான பாறைகளில் ஏறி, [நிஜமாகவே ஏறும், நம்மூர் பனங்கொட்டை மீன் என்று உள்ளது. அது பனைமரத்தின் மீது எல்லாம் ஏறும்] தான் முன்பு வாழ்ந்திருந்த இடத்தை அடைந்து, அங்கே முட்டைகளை கொத்து கொத்தாக ஈனும்.--------------------------------------------இப்படியாக முட்டைகளில் இருந்து பிறக்கும் மீன்குட்டிகள் ஆற்றினில் நீந்தி கடலை அடையும். பிற்பாடு அவற்றுக்கும் மு...
Read more